Меркель Навальнийнинг заҳарланишини унинг оғзини ёпишга уриниш деб атади
Германия канцлери Ангела Меркель мухолифатчи Алексей Навальнийнинг заҳарланиши борасидаги вазият бўйича Москвадан изоҳ талаб қилди.
Унинг қайд этишича, Навальний «Новичок» гуруҳига мансуб заҳарловчи моддадан фойдаланилган ҳолда амалга оширилган ҳужум қурбони бўлган. Экспертиза натижалари бунга ҳеч қандай шубҳа қолдирмайди, деди канцлер.
«Шу тарзда, Алексей Навальний жиноят қурбони бўлганлиги кўриниб турибди. Уни жим юришга мажбур қилмоқчи бўлишган. Буни бутун федерал ҳукумат номидан қоралайман», — деди Меркель.
Унинг сўзларига кўра, Навальнийнинг заҳарланиши муносабати билан фақат Москвадагилар жавоб бериши мумкин бўлган мураккаб саволлар туғилган. Меркель жавобларни бутун дунё кутишини таъкидлади.
Меркельнинг баёноти Германия ҳукумати Навальнийнинг организмида «Новичок» гуруҳига оид заҳарли модда излари топилгани тўғрисида расмий баёнот берганидан сўнг эълон қилинди.
Москва токсикологик экспертиза натижаларини олмаганлигини билдирди. Россия президенти матбуот котиби Дмитрий Песков Навальний Берлиндаги клиникага олиб кетилгунига қадар унинг организмида заҳарли моддалар аниқланмаганлигини айтди.
Алексей Навальний 20 августдан буён кома ҳолатида ётибди. У Томскдан Москвага учаётган самолётда ҳушини йўқотганди. Самолёт фавқулодда қўнишни амалга оширганидан сўнг сиёсатчи Омскдаги касалхонага ётқизилган, у ўпкага сунъий нафас бериш қурилмасига уланган.
Қатор текширувлардан сўнг омсклик шифокорлар Навальнийнинг организмида заҳар асоратлари топилмаганини маълум қилишди.
Навальний 22 август куни Берлинга олиб кетилди ва «Шарите» клиникасига ётқизилди. Клиника мутахассислари сиёсатчи ингибитор холинэстеразалар гуруҳига кирувчи токсин билан заҳарланганини билдиришди.
2 сентябрь ҳолатига кўра, Навальний ҳали-ҳамон сунъий комада. Шифокорларнинг сўзларига кўра, заҳарланиш оқибатида пайдо бўлган симптомлар камаймоқда, аммо сиёсатчининг соғлиги ҳолати жиддийлигича қолмоқда.
Унинг қайд этишича, Навальний «Новичок» гуруҳига мансуб заҳарловчи моддадан фойдаланилган ҳолда амалга оширилган ҳужум қурбони бўлган. Экспертиза натижалари бунга ҳеч қандай шубҳа қолдирмайди, деди канцлер.
«Шу тарзда, Алексей Навальний жиноят қурбони бўлганлиги кўриниб турибди. Уни жим юришга мажбур қилмоқчи бўлишган. Буни бутун федерал ҳукумат номидан қоралайман», — деди Меркель.
Унинг сўзларига кўра, Навальнийнинг заҳарланиши муносабати билан фақат Москвадагилар жавоб бериши мумкин бўлган мураккаб саволлар туғилган. Меркель жавобларни бутун дунё кутишини таъкидлади.
Меркельнинг баёноти Германия ҳукумати Навальнийнинг организмида «Новичок» гуруҳига оид заҳарли модда излари топилгани тўғрисида расмий баёнот берганидан сўнг эълон қилинди.
Москва токсикологик экспертиза натижаларини олмаганлигини билдирди. Россия президенти матбуот котиби Дмитрий Песков Навальний Берлиндаги клиникага олиб кетилгунига қадар унинг организмида заҳарли моддалар аниқланмаганлигини айтди.
Алексей Навальний 20 августдан буён кома ҳолатида ётибди. У Томскдан Москвага учаётган самолётда ҳушини йўқотганди. Самолёт фавқулодда қўнишни амалга оширганидан сўнг сиёсатчи Омскдаги касалхонага ётқизилган, у ўпкага сунъий нафас бериш қурилмасига уланган.
Қатор текширувлардан сўнг омсклик шифокорлар Навальнийнинг организмида заҳар асоратлари топилмаганини маълум қилишди.
Навальний 22 август куни Берлинга олиб кетилди ва «Шарите» клиникасига ётқизилди. Клиника мутахассислари сиёсатчи ингибитор холинэстеразалар гуруҳига кирувчи токсин билан заҳарланганини билдиришди.
2 сентябрь ҳолатига кўра, Навальний ҳали-ҳамон сунъий комада. Шифокорларнинг сўзларига кўра, заҳарланиш оқибатида пайдо бўлган симптомлар камаймоқда, аммо сиёсатчининг соғлиги ҳолати жиддийлигича қолмоқда.
Комментарии (0)