Хитойда коронавирусдан вакцина ҳарбийларда синала бошланади

Хитойнинг CanSino Biologics фармацевтик компанияси коронавирусга қарши ишлаб чиққан вакцинасини ҳарбийларда синашга ҳукуматнинг розилигини олганини маълум қилди.   
Вакцина Пекин биотехнология институти ва Хитойнинг ҳарбий-тиббиёт фанлари академияси билан биргаликда ишлаб чиқилган. Ҳозирда Хитойда коронавирусдан ҳаммаси бўлиб 8 та вакцина ишлаб чиқилмоқда, бироқ CanSino’нинг вакцинаси оммавий синашларгача етиб келган илк вакцина бўлди.
Вакцина лаборатория синовларининг биринчи ва иккинчи босқичидан муваффақиятли ўтиб, коронавирус чақирадиган касалликларни бартараф этишда ўз самарадорлигини кўрсатган. Натижада у Хитойнинг марказий ҳарбий комиссияси маъқулловини олган. Вакцинанинг ҳарбийларда синалишига рухсат бир йил давомида амал қилади.