Шимолий Корея Ким Чен Ин нима билан банд эканини хабар қилди

Шимолий Кореянинг расмий янгиликлар агентлиги «Твиттер»да давлат раҳбари Ким Чен Ин «чуқур медитация»да эканини хабар қилди.

Marshal Kim Jong-Un said to be in deep meditation.

— DPRK News Service (@DPRK_News) April 22, 2020

Бу Шимолий Корея етакчисининг соғлиғи ёмонлашгани мумкинлиги ҳақида жаҳон ОАВнинг тахминлари тарқалиши фонида рўй берди. Аввалроқ, CNN телеканали АҚШда разведка маълумотлари ўрганилаётгани, уларга кўра Шимолий Корея етакчиси Ким Чен Ин «ҳаддан ташқари кўп чекиш, семизлик ва тўхтовсиз иш» туфайли жарроҳлик амалиётидан ўтказилгани, бу юракка алоқадор эканини маълум қилганди. Ким Чен Иннинг касаллиги Жанубий Кореянинг Daily NK газетаси томонидан ҳам тасдиқланган.
Журналистларнинг аниқлашича, Шимолий Корея етакчиси 11 апрелдан бери жамоатчилик олдида кўриниш бермаган, 14 апрелда кемаларга қарши қанотли ракеталар синовида қатнашмаган, 15 апрелда эса биринчи марта бобоси Ким Ир Сен таваллудига бағишланган тантанали маросимни ўтказиб юборган, деб хабар бермоқда 9tv.
 
Бундай хабарлар туфайли унинг эҳтимолий ўлими ҳақида миш-мишлар тарқала бошлади, Япония матбуоти эса ҳатто давлат раҳбарининг ворисини маълум қилди - Ин вафот этган тақдирда Шимолий Корея етакчисининг синглиси Ким Ё Чжон мамлакат бошқарувини ўз қўлига олади.