Мирзиёев ва Эрдоған қандай масалаларни муҳокама қилишди

Туркия Республикаси президенти саройида Ўзбекистон Республикаси президентини расмий кутиб олиш маросими бўлди.

Туркия Республикаси президенти саройида Ўзбекистон Республикаси президентини расмий кутиб олиш маросими бўлди, деб хабар қилди президент матбуот хизмати.
ПРЕСС-СЛУЖБА ПРЕЗИДЕНТА УЗБЕКИСТАНАСостоялись переговоры Президентов Узбекистана и ТурцииОлий мартабали меҳмон шарафига фахрий қоровул саф тортди. Шавкат Мирзиёев ва Режеп Таййип Эрдоған шоҳсупага кўтарилдилар. Ўзбекистон ва Туркиянинг давлат мадҳиялари янгради. Президентлар фахрий қоровул сафи олдидан ўтдилар. 
ПРЕСС-СЛУЖБА ПРЕЗИДЕНТА УЗБЕКИСТАНАСостоялись переговоры Президентов Узбекистана и ТурцииШундан сўнг давлат раҳбарларининг тор доирадаги учрашуви бошланди. Унда мамлакатлар ўртасидаги сиёсий, савдо-иқтисодий, маданий-гуманитар ҳамкорликни янада ривожлантириш масалалари атрофлича муҳокама қилинди.  
ПРЕСС-СЛУЖБА ПРЕЗИДЕНТА УЗБЕКИСТАНАСостоялись переговоры Президентов Узбекистана и ТурцииЎзаро манфаатли имкониятларни ишга солиш, янги лойиҳа ва дастурларни амалга ошириш учун Савдо-иқтисодий ҳамкорлик бўйича ҳукуматлараро комиссия йиғилишларини мунтазам ўтказиш зарурлиги таъкидланди.
ПРЕСС-СЛУЖБА ПРЕЗИДЕНТА УЗБЕКИСТАНАСостоялись переговоры Президентов Узбекистана и ТурцииТранспорт соҳасидаги алоқаларни кенгайтириш, Туркия орқали Европага мультимодал халқаро ташувларни йўлга қўйиш муҳимлиги қайд этилди. 
ПРЕСС-СЛУЖБА ПРЕЗИДЕНТА УЗБЕКИСТАНАСостоялись переговоры Президентов Узбекистана и ТурцииИнтенсив боғдорчилик, балиқчилик, чорвачилик, наслчилик йўналишларида Туркиянинг илғор тажрибасини ўзлаштириш, университетлар ва илмий марказлар билан қўшма тадқиқотлар олиб бориш масалаларига тўхталиб ўтилди.
ПРЕСС-СЛУЖБА ПРЕЗИДЕНТА УЗБЕКИСТАНАСостоялись переговоры Президентов Узбекистана и ТурцииЎзбекистонда замонавий қўшма клиникалар ва диагностика марказлари ташкил этиш, кичик бизнес, тўқимачилик каби йўналишларда қўшма таълим дастурларини амалга ошириш таклифи кўриб чиқилди.
Самимий руҳда ўтган учрашувда икки томонлама сиёсий мулоқот ва кўп қиррали ҳамкорликни мустаҳкамлашга интилиш қатъий экани яна бир бор тасдиқланди. Томонларни қизиқтирган минтақавий ва халқаро масалалар юзасидан фикр алмашилди.