Австралиядаги ёнғинлар: қурбонлар сони 24 нафаргача ошди, 500 млн жонзот нобуд бўлди

Австралиядаги ўрмон ёнғинлари қурбонлари сони сентябрдан бошлаб ҳисоблаганда 24 нафаргача етди, 17 киши бедарак йўқолган. Бу ҳақда BBC телеканали хабар берди.   
Экологларнинг таъкидлашича, ёнғинлар сабабли шунингдек ярим миллиард жонзот нобуд бўлган.
Бутун мамлакат бўйлаб ҳанузгача 200 тага яқин ёнғин ўчоқлари борлиги қайд қилинган. 1200 дан кўпроқ уй вайрон бўлган, 4 миллион гектардан кўпроқ ўрмон ёниб кетган.