Аргентинада президент сайловидан сўнг аҳолига валюта сотиб олишда чеклов ўрнатилди

Сайловга бир ҳафта қолганида аргентиналиклар доллар сотиб олиш ва банклардаги омонатларини қайтариб олишни фаоллаштирди.
Президент сайловларидан сўнг Аргентина марказий банки валюта назоратини қатъийлаштирди. Илгари фуқаролар ойига 10 минг долларгача валюта сотиб олиши мумкин бўлган бўлса, эндиликда ушбу миқдор 200 доллар этиб белгиланди.
Банк бу қарорни мамлакатда ҳокимият алмашиши билан боғлиқ ноаниқлик ва ўтиш даврида валюта резервларини ҳимоя қилиш зарурияти билан изоҳлади.  
Дастлабки маълумотларга кўра, амалдаги президент Маурисио Макри сайловда мағлубиятга учради ва мағлубиятини тан олди. Альберто Фернандес 48 фоиз овоз билан ғалаба қозонди ва унинг ғалабаси ҳокимиятга кейинги 30 йил давомида мамлакатни бошқариб келган Перончилар партиясининг қайтишини англатади.
Аргентина валюта бозоридаги беқарорлик Фернандес август ойида праймеризда ғалаба қозонганида бошланганди. Сайловга бир ҳафта қолганида аргентиналиклар доллар сотиб олиш ва банклардаги омонатларини қайтариб олишни фаоллаштирди, дея қайд этади Bloomberg.