«Катта еттилик» раҳбарлари Россияни ўз сафларига қайтаришни рад этишди

«Катта еттилик» саммити етакчилари Россиянинг унга қайтарилишини рад этишди. Бу ҳақда AFP хабар берди. 
Шу билан бирга, агентлик манбасининг айтишича, G7 раҳбарлари Россия билан ҳамкорликни кучайтиришмоқчи. Етти давлат раҳбарлари ана шундай хулосага келишган.
Аввалроқ АҚШ президенти Дональд Трамп «Катта еттилик»нинг навбатдаги саммитига Россия президенти Владимир Путин таклиф этилиши мумкинлигини айтганди. 
G8 шаклидаги саммит 2014 йилда Қримнинг Россияга қўшиб олинишидан сўнг мавжудлигини йўқотганди. Ўшанда «саккизлик»ка аъзо давлатлар Россиянинг ҳаракатларидан норози бўлган ва Брюсселда «еттилик» — G7 (Франция, Буюк Британия, АҚШ, Германия, Япония, Италия ва Канада) саммити бўлиб ўтганди.