Боздошти ҷавоне, ки худро талбанда муаррифӣ мекарду ашёҳои гуногунро медуздид

​Манбаъ навиштааст, ки Баҳрулло Уроқов, сокини 27-солаи ноҳияи Рӯдакӣ аз ҷониби кормандони Шуъбачаи шаҳрии милитсияи ШВКД-2 дар ноҳияи Сино бо содир намудани ҷиноятҳои дуздӣ дастгир карда шуд.

Дар иттилоия омадааст, ки Баҳрулло Уроқов ҳамчун талбанда вориди манзилҳои истиқоматии шаҳрвандон гардида, дар ҳолати набудани соҳибхонаҳо маблағҳои пулӣ, ҷавоҳирот, телефонҳои мобилӣ ва дигар ашёи арзишмандро тасарруф мекардааст.
Аз ҷумла, 4-уми август, аз манзили зисти шаҳрванд Баротов А., воқеъ дар кӯчаи А. Ғуломов, телефонҳои мобилӣ ва ҷавоҳиротро, ки дар маҷмуъ 60 ҳазор сомонӣ арзиш доранд, дуздидааст.

Гуфта мешавад, ки номбурда қаблан ду маротиба бо ҳамин ҷурм суд шудааст.


Сарчашма: dialog.tj​