Раиси ҷамоат ва заминсозе дар ноҳияи Рӯдакӣ барои сохтакорию додани замин боздошт шуданд

Бино ба иттилоъи маркази матбуотии Агентии назорати давлатии молиявӣ ва мубориза бо коррупсияи Тоҷикистон, Носирзода ин корро ҳангоми дар вазифаи раиси Ҷамоати деҳоти Россияи ноҳияи Рӯдакӣ буданаш дар якҷоягӣ бо заминсоз Шомаҳмадов содир кардааст.

Қайд карда мешавад, ки гумонбарон бо сохтакории ҳуҷҷатҳо аз ҳудуди ҷамоати Қуштеппа ба шаҳрванд Ф.Сангов 0,10 гектар замин ҷудо кардаанд.

Гуфта мешавад, ин қитъаи замини ба гурӯҳи заминҳои таъиноти кишоварзӣ мансуб буда, додани он ба шахси хусусӣ ғайриқонунӣ аст.

Нисбати Носирзод ва Шомаҳмадов бар асоси моддаҳои 338 (Ғайриқонунӣ додани қитъаи замин) ва 340 (Сохтакорӣ, истеҳсол ё фурӯши ҳуҷҷатҳои қалбакӣ, мукофотҳои давлатӣ, мӯҳрҳо, мӯҳрҳо, бланкҳо) -и Кодекси ҷиноии Ҷумҳурии Тоҷикистон парвандаи ҷиноӣ оғоз карда шудааст.

Ин парвандаи ҷиноӣ, пас аз гузаронидани тафтишоти дахлдор, ба суд фиристода шуд, хабар медиҳад Агентии зидди коррупсия.

Феълан, назари боздоштшуда ва ҷониби ҳимояи ӯ дар робита ба қазияи фурӯши ғайриқонуни замин маълум нест.