Президенти АМА Эмомалӣ Раҳмонро шодбош гуфт
Алифа бин Зойид Оли Наҳён саломатии бардавому хушбахтӣ ва ба Ҳукумату мардуми дӯсти Ҷумҳурии Тоҷикистон рушду шукуфоии минбаъдаро таманно кард
Президенти Аморати Муттаҳидаи Араб Алифа бин Зойид Оли Наҳён раисҷумҳури Тоҷикистон Эмомалӣ Раҳмонро ба муносибати дигарбора интихоб шуданаш ба мансаби президентӣ шодбош гуфт. Дар ин бора дафтари матбуоти раисҷумҳури Тоҷикистон иттилоъ медиҳад.
"Боиси хушҳолии беинтиҳо ва шарафи бузурги ман аст, ки Шуморо ба муносибати муҷаддадан интихоб шуданатон ба давраи нави президентӣ самимона табрик намоям. Ба Ҷаноби Олӣ саломатии бардавому хушбахтӣ ва ба Ҳукумату мардуми дӯсти Ҷумҳурии Тоҷикистон рушду шукуфоии минбаъдаро хоҳонам”, - омадааст дар номаи шодбошии президенти АМА.
Президенти Бонки Исломии Рушд Др. Бандар М. Ҳ. Ҳаҷҷор низ кишвардори Тоҷикистонро ба ин муносибат табрик гуфтааст.
Ӯ омодагии худро ҷиҳати тақвияти ҳамкорӣ бо Ҷумҳурии Тоҷикистон, махсусан дар доираи тадбирҳои таъхирнопазири дастёбӣ ба истиқрору рушди иқтисодӣ дар марҳилаи пас аз пандемияи COVID-19 изҳор доштааст.
Комментарии (0)