Манзараҳои зебои Тоҷикистон метрои Тошкандро оро доданд
Истгоҳи нави метро дар Тошканд бо сурати рӯидевории манзараҳои шаҳрҳои кишварҳои Осиёи Марказӣ, аз ҷумла Тоҷикистон оро ёфтанд
Расонаҳои Ӯзбекистон дар истинод ба ширкати "Роҳҳои роҳҳои оҳани Ӯзбекистон" хабар доданд, ки дар ду метрои нави Тошканд - "Туркистон" ва "Юнусобод" корҳои сохтмониву таъмир ба фарҷом расиданд.
Гуфта мешавад, дар ороиши истгоҳи нав аз тарҳҳои замонавиву нақшу нигори қадим истифода кардаанд.
Дар як ҷониби истгоҳ манзараҳои маконҳои таърихӣ ва зебои Тоҷикистон, Қазоқистон, Қирғизистон ва Туркманистон кашида шудаанд. Дар рӯ ба рӯи ин манзараҳо суратҳои рӯидевории шаҳрҳои Бухоро, Самарқанд, Хоразм, Қашқадарё, Сурхандарё, Ҷизах, Сирдарё истгоҳро оро медиҳанд.
Ёдрас мешавем, ҳанӯз соли 2017 расонаҳои Ӯзбекистон хабар доданд, ки дар кишвар истгоҳи метроеро ба номи шоири шаҳири тоҷик Мирзо Турсунзода мегузоранд.
Метрои Тошканд 40 сол пештар, соли 1967 сохта ба истифода дода шуда буд. Он аз чор хат иборат буда, ҳоло тарҳи хатҳои иловагии он омода мешавад.
Ҳукумати Ӯзбекистон ба нақша гирифтааст, ки ҳати ҳалқаии метроро бо 35 истгоҳ бунёд кунад.
Комментарии (0)