Маълум шуд, ки чанд нафар гирифторони коронаврус аз Данғара шифо ёфтаанд
Аз замони пайдоиши ва эълони вуҷуди коронавирус дар кишвар то ҳол дар беморхонаи марказии ноҳияи Данғараи вилояти Хатлон 133 нафар бо нишонаҳои ин беморӣ шифо ёфтаанд
Танҳо дар ҳоли ҳозир дар беморхонаи марказии ноҳияи Данғара бо нишонаҳои ин беморӣ 182 нафар муолиҷа мешавад, сомонаи рӯзномаи “Ҷумҳурият”.
Ба иттилои манбаъ барои муолиҷа ва табобати беморон дар ин табобатгоҳ тамоми шароитҳо фароҳам буда, табибон низ бо лавозимоти зарурӣ таъминанд.
Манбаъ мегӯяд, баҳри боз ҳам беҳтар ба роҳ мондани муолиҷаи беморон аз ҷониби Ҳукумати ҷумҳурӣ, мақомоти иҷроияи маҳаллии ҳокимияти давлатии ноҳия, ширкатҳои “Нахш”, “Сифат фарм” ва соҳибкори муваффақ Шамсулло Соҳибов доруворӣ ва дигар маҳсулоти зарурӣ ба беморхона ворид гардид ва ин иқдом идома дорад.
Бар пояи оморҳои ахир, то соати 17:00 –рӯзи гузашта – 18 май, теъдоди гирифторони коронавирус дар кишвар ба 1729 нафар расида, шумораи онҳое, ки аз ин маризӣ ҷон додаанд, 2 нафар афзуд ва ба 41 нафар расид.
Ба иттилои манбаъ, танҳо дар як шабонарӯз 205 мавриди ҷадид ба қайд гирифта шуд.
Ҳамчунин гуфта мешавад, то санаи 18 майи соли равон дар мамлакат 4016 нафар зери назорати табибон қарор дошта, дар як шабонарӯзи охир 407 нафар пас аз шифо ёфтан ба хонаҳояшон рухсат дода шудаанд.
Комментарии (0)