Ташкили 61 ширкати нав бо қариб 1 ҳазор ҷои корӣ дар Тоҷикистон
Мақомоти Тоҷикистон мегӯянд, корхонаҳои навтаъсисе, ки соли равон ба фаъолият оғоз кардаанд, аллакай ба маблағи беш аз 200 миллион сомонӣ маҳсулот тавлид намудаанд
Дар 4 моҳи охир дар Тоҷикистон 61 ширкати нав ба кор оғоз карданд ва 980 нафар бо ҷойи корӣ таъмин шуданд, гузориш медиҳад ТоҷикТА.
Бино ба иттилоъи Вазорати саноат ва фанновариҳои нави ҶТ, 20-тои ин ширкатҳо дар вилояти Суғд, 19-тои дигар дар вилояти Хатлон ва 10 ширкат дар Душанбе баҳрабардорӣ шуданд.
"Дар моҳҳои январ-апрели соли ҷорӣ ширкатҳои нави кишвар ба арзиши 203 миллион сомонӣ, муодили 19,7 миллион доллар, коло тавлид карданд", - омадааст дар иттилоия.
Дар кулл, аз оғози сол то оғози моҳи май дар Тоҷикистон 2 ҳазору 204 ширкати саноатӣ сабти ном шуданд, ки ин шумор дар муқоиса бо даври мушобеҳи соли гузашта 7 дарсад, ё 143 воҳид афзоишро нишон медиҳад.
Комментарии (0)