Кам ва қимат: мудири Somon Air нархи сӯзишворӣ дар Душанберо гаронтарин хонд
Томас Халлам, мудири ширкати Somon Air далели дар миёнароҳ – дар Қазоқистону Туркманистон барои гирифтани сӯзишворӣ фуруд омадани ҳавопаймоҳои Тоҷикистонро ба камбудию қиматии сӯзишворӣ дар шаҳри Душанбе рабт додаст
Фуруди ҳавопаймоҳои Тоҷикистон барои гирифтани сӯзишворӣ дар шаҳрҳои Шимкенту Ишқобод ҳам барои мусофирон ва ҳам барои ширкатҳои мусофирбар нороҳаткунандаю пурхарҷ мебошад, изҳор доштааст Томас Халлам зимни ҷаласаи аъзои IATA ва IOSA.
Мудири Somon Air омили аввали ин равандро ба камбуди сӯзишвории ҳавопаймоҳо дар фурудгоҳи Душанбе тайи солҳои охир рабт дод, навиштааст Sputnik Қазоқистон.
Ӯ сабаби дигарро гаронии нархи сӯзишворӣ дар фурудгоҳи Душанбе гуфт.
“Дар фурудгоҳи Душанбе тарофаи баландтарини таъмини сӯзишворӣ дар ҷаҳон мебошад. Аммо сарфи назар аз нарх, ширкати мо азм дорад то ҳадди имконпазир дар Душанбе сӯзишворӣ гираду парвозро бидуни фуруд дар нимароҳ анҷом диҳад”, - изҳор доштаст мудири Somon Air.
Комментарии (0)