Фурудгоҳи байналмилалӣ: таъмири шаш бинои истиқоматӣ бо супориши Рустами Эмомалӣ анҷом ёфт
Фурудгоҳи байналмилалии Душанбе эълон намудааст, ки таъмири 4 бинои истиқоматӣ дар кӯчаи Аҳмади Дониш ва 2 бинои истиқоматии баландошёна дар кӯчаи ба номи Садриддин Айнӣ ба анҷом расид
Роҳбарияти ҶСК “Фурудгоҳи байналмилалии Душанбе” ахиран дар ҷаласаи корӣ вобаста ба фаъолияти 9 моҳи соли равон эълон кард, ки бо супориши Рустами Эмомалӣ, раиси шаҳр Душанбе, таъмири 6 бинои истиқоматӣ дар кӯчаҳои Аҳмади Дониш ва Садриддин Айнӣба анҷом расид.
"Бо супориши Раиси шаҳри Душанбе таъмири намои 4 бинои истиқоматии чорошёна дар кӯчаи Аҳмади Дониш ва 2 бинои истиқоматии баландошёна дар кӯчаи ба номи Садриддин Айнӣ пурра ба анҷом расонида шуд”, - таъкид намудааст манбаъ.
Ҳамзамон манбаъ зикр намудааст, ки дар давраи ҳисоботӣ бо супориши Ҳукумати Тоҷикистон як адад майдончаи варзишӣ, ки дар маҳаллаи Зарафшони ноҳияи Синои шаҳри Душанбе ҷойгир шудааст, пурра сохта, ба истифода супорида шуд.
Инчунин дар ҳоли ҳозир, сохтмон дар майдончаи варзишӣ дар кӯчаи ба номи Н.Ганҷавии шаҳри Душанбе идома дошта, ин майдонча низ дар моҳи наздик ба истифода супорида мешавад.
Комментарии (0)