Сафари Қосим Раҳбар ба Шуғнон бо супориши Озода Раҳмон
Қосим Роҳбар, раиси Кумитаи рушди маҳали назди раисиҷумҳури Тоҷикистон, дар ноҳияи Шуғнон ҷаласаи сайёри ҳайати мушовараи ниҳоди тобеяшро баргузор кард
Тибқи иттилои Кумитаи рушди маҳал, ҷаласаи сайёр дар Шуғнон бо супориши Озода Раҳмон, роҳбари Дастгоҳи иҷроияи раисиҷумҳури Тоҷикистон доир гашт.
“Дар асоси супориши роҳбари Дастгоҳи иҷроияи Президенти Тоҷикистон аз 20 сентябри соли 2019, №3174, дар мақомоти иҷроияи маҳаллиии ҳокимияти давлатии ноҳияи Шуғнони ВМКБ ҷаласаи сайёри Ҳайати мушовараи Кумитаи рушди маҳали назди раисиҷумҳур баргузор гардид”, - хабар дод Кумита.
Манбаъ афзуд, ки ҳайати мушовара шурӯъ аз 7 октябр бо роҳбарии Қосим Роҳбар дар ноҳияи Шуғнон қарор доранд ва 10 октябр ҷаласа баргузор карданд.
Кумитаи рушди маҳал таъкид намудааст, ки зимни ҷаласаи мушовара такмили низоми идораи маҳаллӣ дар ноҳияи Шуғнон мавриди баррасӣ қарор дода шуд.
Ҳадафи боздид аз ноҳияи Шуғнонро гурӯҳи сайёри Кумита муҳайё намудани шароити ҳарчи беҳтари зиндагӣ барои сокинон арзёбӣ кардааст.
Комментарии (0)