Президент дар Порис бо фарзанди Оқохони IV вохӯрду таманниёти Аълоҳазратро шунид

Эмомалӣ Раҳмон, раисҷумҳури Тоҷикистон, ки феълан дар шаҳри Порис қарор дорад, бо фарзанди имоми исмоилиёни ҷаҳон, Шоҳ Карим ал- Ҳусейнӣ Оқохони IV вохӯрд.

Котиботи AKDN аз ин вохӯрӣ чанд акс мунташир намуда, навиштааст, ки вохӯрии Шоҳзода Раҳим ва Эмомалӣ Раҳмон дар як чорабиние иттифоқ афтод, ки ба 30 -юмин солгарди Истиқлолияти давлатии Тоҷикистон бахшида шуда буд.

Ин чорабинӣ дар бинои Қасри ЮНЕСКО баргузор гардид.

Гуфта мешавад, зимни вохӯрӣ, Шоҳзода Раҳим ба раисҷумҳури Тоҷикистон таманиёти самимии Волоҳазрат Оқохони IV - ро расондааст.

Шоҳзода Раҳим изҳор доштааст, ки Аълоҳазрат дуогӯи ҳамешагии шукуфоии Тоҷикистон аст.

Зикр гардид, ки ҷонибҳо оиди ҳамкориҳо ва дастовардҳои шабакаҳои Оқохон дар Ҷумҳурии Тоҷикистон ибрози назар намуданд.

Сарчащма:sputnik-tj.com