Украинадаги биолабораториялар ишига ЖССТ жалб қилинган

АҚШ ҳукуматининг молиявий кўмаги билан украиналик олимлар биологик ҳимоя режимига эга лабораторияларда юқори патоген парранда гриппи ва бошқа юқори юқумли вирусларнинг геномларини ўрганишган.

Жаҳон соғлиқни сақлаш ташкилоти (ЖССТ), АҚШ касалликларни назорат қилиш ва олдини олиш марказлари ва бир нечта Ғарб тадқиқот марказлари Украина биологик лабораториялари ҳамкорлик тармоғининг бир қисми бўлган. Бу АҚШ Миллий разведкаси директори эълон қилган маълумотлардан маълум бўлади.Ҳужжатда «Украина илмий ходимлари тармоғи» бўлимида АҚШнинг «Black & Veatch» ва «Metabiota» мудофаа пудратчилари билан бир қаторда АҚШ қишлоқ хўжалиги вазирлиги, Швейцариянинг SAFOSO консалтинг компанияси, Жаҳон ҳайвонлар саломатлигини муҳофаза қилиш ташкилоти ва Украина жамоат саломатлиги маркази тузилмалари мавжуд. Схемада JGI ва «Orio» тадқиқот компаниялари ҳам кўрсатилган.Украина лабораторияларининг академик ҳамкорлари сифатида Анкориждаги Аляска университети, Нью-Мексико университети, Теннесси университети, Флорида университети ва Канзас штати университети айтилган. Бундан ташқари, Гельмгольц номидаги немис экологик тадқиқотлар маркази ҳам тармоққа киритилган.