Ғарб Россиянинг янги иттифоқчисидан қўрқиб кетди — ОАВ

Словакия сентябрь ойидаги парламент сайловларидан кейин Россиянинг иттифоқчисига айланиши мумкин. Бу ҳақда «Guardian» шарҳловчиси Жон Кэмпфнер хабар берди.

«Бир зумда Словакия Россиянинг янги иттифоқчиси бўлиши мумкин. <…> Агар жамоатчилик фикрини ўрганишга ишонадиган бўлсак, сайловлар Москвани мақтайдиган ва Виктор Орбанга тақлид қилувчи Роберт Фицонинг қайтишини англатади.<…> Бир сўз билан айтганда, Европа Иттифоқи ва НАТО ичида тез орада янги тартиббузар пайдо бўлиши мумкин», — деб ёзди Кэмпфнер.

Кузатувчига кўра, Фицо сайланса, ҳозирда Киев режимини қўллаб-қувватлаётган Словакия сиёсатида «180 градусга бурилиши» мумкин. Фицонинг ғалабаси билан, Братислава Москвага ёрдам бера бошлайди, дея хулоса қилди журналист.

Роберт Фицо — Словакиянинг собиқ бош вазири. У очиқчасига Украинани қўллаб-қувватлашга қарши чиқди ва Ғарбни украиналик нацистлар учун «қизил гилам» тўшаганликда қоралади.