НАТО Россияни 2030 йилгача асосий ҳарбий таҳдид деб ҳисобламоқда

НАТО Хитойни Россиядан кейинги ўринда турувчи ҳарбий таҳдид деб ҳисобламоқда ва бу мамлакатнинг хатти-ҳаракатларини баҳолаш учун мунтазам фаолият кўрсатувчи тузилма ташкил этилиши керак деган фикрда.

НАТО камида 2030 йилгача Россияни ўз хавфсизлиги учун асосий ҳарбий таҳдид деб ҳисоблайди. Бу ҳақда “НАТО – 2030” ҳисоботида айтилмоқда.
“Истиқболда 2030 йилгача Россия альянс учун асосий ҳарбий таҳдид бўлиб қолади”, — дейилади ҳужжатда.
Ҳисоботда айтилишича, НАТО Хитойни Россиядан кейинги ўринда турувчи ҳарбий таҳдид деб ҳисобламоқда ва бу мамлакатнинг хатти-ҳаракатларини баҳолаш учун мунтазам фаолият кўрсатувчи тузилма ташкил этилиши керак деган фикрда.
Хитой альянсга кенг миқёсдаги бевосита ҳарбий таҳдид солмаса-да, Ўрта Ер денгизи, Атлантика океани ва Арктикада ўз ҳарбий имкониятларини кенгайтирмоқда ҳамда Россия билан мудофаа ҳамкорлигини кучайтирмоқда”, — дейилади ҳисоботда.
 Қайд этилишича, НАТО Россия ва Хитойнинг ҳарбий ва технологик ҳамкорлигини кузатиш учун махсус разведка бўлимини ташкил этиши лозим.