Ўзаро ташрифлар: Россия бош вазири 3 сентябрь куни Минскка боради

Беларусь мудофаа вазирлигининг хабарига кўра, мамлакат мудофаа вазири Виктор Хренин жума куни Россияга ташриф буюради.

Фото: Дмитрий Астахов/ТАСС
 Россия бош вазири Михаил Мишустин 3 сентябрь куни Минск шаҳрига боради. Бу ҳақда Россия ташқи ишлар вазири Сергей Лавров маълум қилди.
 "Эртага РФ ҳукумати раиси Михаил Мишустиннинг Минскка ташрифи бўлиб ўтади", - деди Лавров.
 Унинг қайд этишича, яқин вақт ичида Беларусь президенти Александр Лукашенконинг Москвага ташрифи ҳам амалга оширилади.
 Беларусь мудофаа вазирлигининг хабарига кўра эса, мамлакат мудофаа вазири Виктор Хренин жума куни Россияга ташриф буюради.
 Ўтган ҳафтада Россия президенти Владимир Путин ва Беларусь президенти Александр Лукашенко Москвада учрашишга келишиб олишганди. Кремлнинг билдиришича, учрашув яқин икки ҳафта ичида бўлиб ўтади.