АҚШнинг ядро ракетаси йўловчи самолёти ёнидан учиб ўтди (видео)

Америкалик ҳарбий денгизчилар томонидан учирилган Trident II ракеталаридан бири Мексика осмонида йўловчи самолёти ёнидан учиб ўтди. Бир ойча аввал юз берган воқеа учувчилар томонидан қайд қилинган. 
Видео самолётнинг учувчилар кабинасидан олинган. Унда ракетанинг ўз ортидан ёрқин из қолдириб учаётганини кўриш мумкин.
Учувчилар ракетанинг пайдо бўлишини “Шимолий Корея бу ерда!” деб кутиб олишган.

Таъкидланишича, ракета АҚШнинг Тинч океанидаги сув ости кемасидан учирилган. 
Синов вақтида ракета қия йўналиш бўйича учган, одатда улар тиккароқ учади. Маълум қилинишича, ракеталарни бундай йўналишда учириш нишонгача парвоз вақтини қисқартиради. Бундан ташқари, бунда ракетани уриб тушириш қийинроқ бўлади. 
Роликда ракета поғоналарининг ажрашини кўриш мумкин, улар ёрқин нуқталар кўринишида акс этган. 
Ракета 1990 йилдан бери термоядро зарядларини нишонга етказиш учун хизмат қилади. 
Мутахассислар видеодаги ракета янги, камроқ кучдаги W76-2 жанговар каллагини ташиганини тахмин қилишган.