“Барселона” таъқиби “Реал Мадрид”-ро дар Ла Лига идома медиҳад

​Ҳисоб дар дақиқаи 33-юми бозӣ бо голи зебо аз ҷониби Алберто Рейна ба фоидаи «Реал Овйедо» кушода шуд. Дар идомаи бозӣ «Барселона» бо голҳои Эрик Гарсия дар дақиқаи 56-ум, Роберт Левандовски дар дақиқаи 70-ум ва Роналд Араухо дар дақиқаи 88-ум ҳисобро 3 бар 1 намуда, пирӯзӣ ба даст овард.

Ҳоло дар ҷадвали Ла Лига пас аз анҷоми бозиҳои даври 6-ум «Реал Мадрид» бо 18 имтиёз пешсаф аст. «Барселона» 16 имтиёз дошта, дар зинаи дуюм ва «Реал Овйедо» бо 3 имтиёз дар зинаи 18-ум мавқеъ гирифтаанд.

Дар даври ояндаи Ла Лига, «Реал Овйедо» дар сафар рӯзи 29-уми сентябр бо «Валенсия» ва «Барселона» рӯзи 28-уми сентябр дар хона бо «Реал Сосйедад» бозӣ мекунанд.


Сарчашма: varzishtv.tj​