Ҷазои фаврӣ: ташкилкунандаи ҳамлаи хунини Ғазнии Афғонистон дар амалиёти ҳавоӣ кушта шуд
Дар натиҷаи ҳамлаи ҳавоӣ ба яке аз минтақаҳои шаҳри Ғазнии Афғонистон, ҳафт ҷангӣ нобуд ва миқдори зиёди силоҳҳо аз байр бурда шуданд
Вазорати дифоъи Афғонистон мегӯяд, созмондиҳандаи ҳамлаи террористӣ дар Ғазнӣ, ки дар пайи он 31 нафар кушта шуд, дар натиҷаи ҳамлаи ҳавоӣ ба шаҳр дар минтақаи Ҷиро нобуд карда шуд.
Тибқи иттилои вазорат, ба ҷуз Ҳамза Вазиристонӣ, ҳафт ҷангҷӯи дигар кушта ва миқдори зиёди силоҳу муҳимоти ҷангӣ нобуд карда шуданд.
Ҳамлаи террористӣ дар Ғазнӣ рӯзи 29 ноябр дар наздикии пойгоҳи нерӯҳои мусаллаҳи Афғонистон рух дод.
Пас аз тирпарронӣ, як маводи тарканда, ки дар мошини дар наздикии он қароргирифта гузошта шуда буд, таркид.
Тибқи маълумоти беморхонаи маҳаллӣ, 31 нафар фавтида ва 24 нафар ҷароҳат бардоштанд.
Ёдовар мешавем, ки дар аввали моҳи ноябр, ҳангоми ҳамлаи миномётӣ ба яке аз ноҳияҳои Ғазнӣ, беш аз ҳашт ғайринизомӣ кушта шуданд.
Тибқи иттилои Ваҳидуллоҳ Ҷумъа, раҳбари пулиси ин қаламрав, дар минтақаи истиқоматии Ну-Обод се снаряди миномёт таркид, ки бар асари он ҳафт ғайринизомӣ маҷрӯҳ шуданд.
Комментарии (0)