Вазъи вируси корона дар Эрон: беш аз 76 ҳазор нафар шифо ёфтанд
Вазорати беҳдошти Эрон ахиран эълон кард, ки то кунун 76 ҳазору 318 нафар аз мубталоён ба вируси корона беҳбуд ёфта ва аз бемористонҳо мураххас шудаанд
Киёнӯши Ҷаҳонпур, раиси маркази равобити умумӣ ва иттилоърасонии Вазорати беҳдошти Эрон имрӯз ба хабарнигорон иттилоъ додааст, ки дар Эрон дар 24 соати ахир як ҳазору 6 бемори ҷадид бақайд гирифта шудааст, иттилоъ додааст хабаргузории "Парстудей".
Ҳамин тавр шумори умумии нафароне, ки то кунун дар Эрон ба вируси корона гирифтор шудаанд 95 ҳазору 646 нафар расидааст.
Ҳамчунин вай афзуд, ки дар 24 соати ахир фавти 63 нафар ба сабт шудааст. Дар маҷмӯъ, фавт аз вируси корона дар Эрон ба 6 ҳазору 91 нафар расидааст.
Теъдоди афроди мубтало ба вируси корона дар ҷаҳон низ ба беш аз 3 миллиону 232 ҳазор нафар расидааст, ки аз ин теъдод дастикам 228 ҳазор нафар ҷони худро аз даст доданд ва беш аз як миллион нафар низ беҳбуд ёфта ва аз бемористонҳо мураххас шудаанд.
Комментарии (0)