Тоҷикистон дар Бозиҳои кӯчманчиён дар Қирғизистон 5 медал ба даст овард

Дастаи Тоҷикистон дар ин мусобиқот, ки аз 31-уми август то 6-уми сентябр дар Қирғизистон баргузор шуд ду медали тилло ва се биринҷӣ ба даст овард. 

Тими Тоҷикистонро дар ин мусобиқот 56 варзишгар намояндагӣ карда, дар 17 навъи варзиш иштирок ва дар ҳисоби умумӣ зинаи 8-умро касб карданд.

Медалҳои тиллоро барои тими Тоҷикистон Фирдавс Ёриев дар рақобат бо камарбандҳо дар вазни +100 кг ва пойгаи аспдавонӣ дар масофаи 1600 метр (асп бо лақаби Хутулун) ба даст оварданд.

Медалҳои бириҷиро куштигирони зерин дарёфт карданд: 

• Наврӯз Каримзод дар вазни 84 кг — кураш;
• Тӯчибой Норқулов (90 кг) —  аспдавонӣ;
• Наврӯз Эшбеков (100 кг) — аспдавонӣ.

Зинаҳои аввалро дар ҳисоби умумӣ, тимҳои Қазоқистон (32 тилло, 20 — нуқра ва 22-биринҷӣ), Қирғизистон (30-35-19) ва Русия (7-7-19) касб карданд.
Ин мусобиқот тақрибан се ҳазор варзишгарро аз 109 кишвар гирдиҳам овард. Маросими ифтитоҳ дар «Бишкек Арена"-и баргузор шуд, ки дар он Эмомалӣ Раҳмон, раисҷумҳури Тоҷикистон ҳам ширкат дошт.

Ба сурати умум, дар Бозиҳо, варзишгарон барои дарёфти  115 медали тилло, 114 медали нуқра ва 144 медали биринҷӣ рақобат карданд.
                
Сарчашма: asiaplus.news