Барои ба мактаб омода кардани як хонанда дар Душанбе чанд пул лозим аст?

Дар Душанбе намоиш-фурӯш ё ярмаркаҳои мактабӣ 1-уми август оғоз шуда, то 31 август идома мекунад. Дар чанд нуктаи мушаххаси шаҳр сокинон метавонанд, ки сару либоси мактабиро ба гуфтаи мақомот, аз нархи бозор арзонтар харидорӣ кунанд. Хабарнигори «Азия-Плюс» имсол аз чанд намоиш фурӯш дидан кард ва нархи либосҳои мактабӣ ва лавозимоти хонишро бо нархи соли гузашта муқоиса кард.
Маълум шуд, ки нархҳо чандон фарқ намекунанд — тафовут 20-30 сомониро ташкил медод. Аз ҷумла, имсол дар мағозаи корхонаи  дӯзандагии «Гулистони Душанбе» маҷмӯи тайёри либоси мактабӣ ва «сарафан"-у куртаҳоро алоҳида харидан мумкин аст. Дар номгӯй танҳо либосҳои истеҳсоли ватанӣ пешниҳод шудаанд. Либосҳо барои ҳамаи хонандагон, аз синфи 1 то 11 бо рангҳои гуногун, кабуди тира, хокистарӣ ва ғайра мавҷуд аст.
                                                                                                                                           Нархи шиму кастум ва ё шиму кастуму камзулча вобаста ба андоза фарқ мекунад. Масалан, шиму кастум барои духтарон бо доман — 330 сомонӣ (андозаи 36-42), андозаи 44-50 -ум 370 сомонӣ арзиш дорад. «Сарафан» — 110 сомонӣ, нимтанаи чиндор — 75 сомонӣ.
Дар фурӯшгоҳи «Садбарг» фарқияти нархҳо зиёд аста, аммо фурӯшандагон арзон мекунанд. Имсол ярмаркаҳо дар ин минтақа асосан дар дохили бино баргузор мешаванд. Дар берун ва ё ҳавлии қафо, ҳамагӣ чанд нуқта ҷойгир шудаанд, ки бештар молҳои хониш (канселярӣ) мефурӯшанд.
                                                                                                                                                                   Дар ин ҷой, доман аз 150 то 250 сомонӣ, курта аз 100 то 300 сомонӣ арзиш дорад. Ҷузвдон (портфел) — аз 150 сомонӣ ва болотар. Пойафзол — аз 150 сомонӣ ва бештар барои як ҷуфт.
Чун ҳамеша, «сарафан"-ҳо арзон нестанд — аз 450 сомонӣ ва агар, истеҳсоли Туркия бошанд, нарх метавонад то 550 сомонӣ расад. Нархи як мол дар фурӯшандагони гуногун метавонад 40-50 сомонӣ фарқ кунад. Фурӯшандагон низ метавонанд ҳадди аксар 50 сомонӣ арзон кунанд.
                                                                                                                                           «Бантик"-ҳо вобаста ба андоза ва услуб — аз 40 то 55 сомонӣ барои як маҷмӯа (барои 2 дона) нарх доранд.
Дар мағозаи «Гелос» ярмарка то пагоҳ, 15-уми август идома мекунад. Интихоби либос ва пойафзол зиёд аст. Шуъбаи кӯдакона дар ошёнаи зеризаминӣ ҷойгир аст. Дар интихоб, курта, «сарафан», гарданбанд, «бантик», миёнбанд, шалворбандҳо (подтяжкаҳо) пойафзол, доманҳо ва ғайра мавҷуд аст.
                                                                                                 
«Сарафан"-ҳо аз 197 то 265 сомонӣ арзиш доранд. Миёнбандҳо — 32 сомонӣ, вале бантикҳо нисбат ба «Садбарг» арзонтаранд — донааш 5 сомонӣ, як ҷуфт — 10 сомонӣ. Гарданбандҳо — аз 6 то 11 сомонӣ.
                                                                                                                                          
Дар бораи сифатСифати либосҳо нисбат ба соли гузашта чандон фарқ намекунад: барои пайдо кардани либоси хушдӯхт бояд ҷустуҷӯ кард, бештар либосҳои мактабии дӯхташон дурушт ва аз матоъҳои нисбатан бесифат ба назар мерасанд.

Аксар вақт костумҳои ранги хокистарӣ ҳам ҳангоми ламс ва ҳам аз рӯи намуди зоҳирӣ босифаттар ба назар мерасанд. Имсол аз ҷиҳати ранг интихоби зиёд нест — хокистарӣ, кабуди тира, ва ё ранги сиёҳ ки хеле кам вомехӯрад. Худи фурӯшандагон мегӯянд, ки либосҳои мактабӣ асосан аз Гуанчжоу (Чин) оварда мешаванд, моделҳои туркӣ хеле гаронтаранд. Фарқият метавонад 100-200 сомониро ташкил диҳад.

Нархи лавозимоти хониш чӣ гуна аст?Дар бозор ҳам дафтарҳои истеҳсоли ватанӣ ва ҳам истеҳсоли хориҷиро пайдо кардан мумкин аст, ки нархи онҳо гаронтар аст. Аммо  нархҳо чандон фарқ надоранд. Масалан, 1 дона дафтари 12-варақаи истеҳсоли Тоҷикистон ҳамагӣ 50 дирам арзиш доранд, дафтарҳои ширкатҳои хориҷӣ то 2,40 сомонӣ. Дафтарҳои 48 варақа аз 4 то 8 сомонӣ. Албомҳо вобаста ба шумораи варақҳо — аз 4 то 12 сомонӣ.

Қаламдонҳо — аз 11 то 33 сомонӣ, қаламҳои одии худкор — аз 20 дирам то 1,20 сомонӣ.
Агар нархҳоро бо соли гузашта муқоиса кунем, онҳо кам тағйир ёфтаанд:


Сарчашма: asiaplus.news