“Микроавтобус” чорабинии навбатии БДА (Видео)

Дар шаҳри Душанбе бо мақсади ба танзим даровардани ҳаракати микроавтобусҳои мусофирбар чорабинии мақсаднок оғоз гардид. Ин чорабинӣ аз 5 феврал то 5 марти соли равон идома хоҳад кард.



Мақсад аз гузаронидани ин амалиёт пешгирӣ намудан аз ҳолатҳои аз меъёри муқарраргардида зиёд гирифтани мусофирон дар микроавтобусҳо, аз хатсайри муқаррагардида баромадани онҳо, бе иҷозатнома мусофиркашони кардан ва ғайра мебошад. Дар доираи ин чорабинӣ кормандони БДА 7 феврал хабарнигори ҳафтаномаи “Тоҷикистон” ва сомонаи “Тоҷикистон таймс”-ро бо худ гирифтанд, ки чанд лаҳзаи ин маъракаро наворбардорӣ намуданд. Ҳоло ин наворҳо пешкашатон мегардад.