Убайдуллоев боз аз мубориза бо бегонапарастӣ гуфт

05-01-2017 | Қонун | 0 | 714

tajikistan

Маҳмадсаид Убайдуллоев, шаҳрдори Душанбе ба ин назар аст, ки мубориза алайҳи бегонапарастӣ ва хурофотпарастӣ кофӣ нест, бинобар амр кардааст ҳар рӯзи ҷумъа бо ҷалби масъулини дин, мақомоти умури дохилӣ ва амният дар марказҳои фурӯш ва бозорҳои шаҳр вохӯриҳои санҷишӣ-машваратӣ доир карда шаванд.

Раиси шаҳри Душанбе дар ҳисоботи солонааш, ки ба вакилони пойтахт ироа мекард, на танҳо Кумитаи дин ва ниҳодҳои интизомиро муваззаф кард бо сатру ҳиҷоб ва фурӯши онҳо дар бозору мағозаҳо муборизаро пурзӯртар кунанд, балки ноибаш Ҷамила Лангариеваро амр кард дар ин самт чораҳои фаврӣ дида шаванд.

Убайдуллоев ҳамчунин аз дастовардҳояш дар соли раванда сухан гуфт ва яке аз “дастовард”-ҳо насби дурбинҳои назоратӣ ва дастгоҳҳои кашфи ҷисмҳои металӣ дар ҳамаи 73 масҷиди поётахт будааст, ки ба қавли шаҳрдори пойтахт барои таъмини тартиботи ҷамъиятӣ ва амнияти шаҳрвандон насб шудааст.

Ҳадаф аз роҳандозии ин чорабиниҳоро раиси шаҳри Душанбе таъмини волоияти қонун, таҳким бахшидан ба тартиботи ҷамъиятӣ, пешгирӣ аз ҳуқуқвайронкуниҳо ва таъмини ҳуқуқу озодиҳои инсон ва шаҳрвандони пойтахти Тоҷикистон арзёбӣ кард.

Паҳн намудани ахбор дар шабакаҳои иҷтимоӣ:


Комментарии

Номи шумо
Email

Комментариев пока нет


Дар бораи мо

Агентии иттилоотии мустақили «ҲАМСИНФ» бо мақсади амалӣ гардонидани ҳуқуқҳои конститутсионии шаҳрвандони Тоҷикистон ва тамоми ҷаҳон ба озодии сухан ва баёни андешаи худ вобаста ба фаъолияти ҳукумат, муассисаҳои давлатӣ, ҳаракатҳои оппозитсионӣ, ҳамчунин масъалаҳои вобаста ба соҳаҳои муҳимми ҳаёт ва ғайра сохта шудааст. Сомонаи интернетии агентии иттилоотӣ www.hamsinf.com майдони муҳокимаи масъалаҳои муҳим, тафсири рўйдоду воқеаҳои рўзмарра (актуалӣ) ва амалигардонии нақшаву ниятҳои дурнамо мебошад.

Муфассал

ТАҚВИМИ АХБОР
Мо дар Facebook
HAMSINF.com - Агентии иттилоотии мустақил.
Шумо метавонед, ки саволҳои худро тариқи почтаи электронии мо hamsinfnews@gmail.com ба мо ирсол намоед.
Яндекс.Метрика