Пешравии ҳукумат: Тоҷикистон аз 304 ҳазор муҳоҷири ихроҷ шуда, ҳамагӣ 0.03 фисадашонро ба ҷои кор таъмин кардааст

04-01-2017 | Муҳоҷир | 0 | 429

tajikistan

Тоҷикистон дар соли 2016 ҳамагӣ 2479 шаҳрвандро ба ҷои кори доимӣ таъмин кардааст. Бино ба иттилои Агентии миллии иттилоотии Тоҷикистон (АМИТ) «Ховар», то 4— уми октиябри соли 2016 теъдоди муҳоҷирони кории тоҷике, ки бо сабабҳои мухталиф ба қаламрави Федератсияи Русия дохил шуда наметавонанд ба 304 083 нафар расидааст.

Аммо «Хадамоти муҳоҷират якҷоя бо Агентии меҳнат ва шуғли аҳолӣ 2479 нафар шаҳрвандони кишварро, ки воридшавиашон ба қаламрави Федератсияи Русия муваққатан манъ аст, дар дохили кишвар бо кори доимӣ таъмин намуданд.» Ва боқӣ 301 604 нафари онҳо дар кишвар бе ҷои кор мондаанд.

Бӯҳрони бекории шаҳрвандони Тоҷикистон дар ҳоле ба авҷи аълои худ мерасад, ки Ҳукумати кишвар муҳоҷиратро як падидаи маъмулӣ ва фоидаовар арзёбӣ мекунад ва ба ин васила намехоҳад вазифаи худашро дар қиболи таъмини мардум ба ҷои кори доимӣ анҷом диҳад. Бар илова, Ҳукумати Тоҷикистон ҳар вақте аз рушди бекорӣ дар кишвар ҳарф мезанад, талмеҳан Русияро гунаҳкор меҳисобад, ки шаҳрвандони Тоҷикистонро ба ҷои кори доимӣ таъмин намекунад.

Бархӯрди ҳукумат бо муҳоҷирони корӣ ҳадафмандона ва носолим ба роҳ монда шудааст. Тоҷикистон зиёда аз дуюним миллион нерӯи корӣ дорад, наздик ба ду миллиони онҳо ҳамчун муҳоҷири корӣ дар кишварҳои Русияву Қазоқистон ва дигар кишварҳои дуру наздик ба сар мебаранд ва дар баробари таъмини хонаводаҳои худашон ҳукуматро низ мехӯронанд.

Паҳн намудани ахбор дар шабакаҳои иҷтимоӣ:


Комментарии

Номи шумо
Email

Комментариев пока нет


Дар бораи мо

Агентии иттилоотии мустақили «ҲАМСИНФ» бо мақсади амалӣ гардонидани ҳуқуқҳои конститутсионии шаҳрвандони Тоҷикистон ва тамоми ҷаҳон ба озодии сухан ва баёни андешаи худ вобаста ба фаъолияти ҳукумат, муассисаҳои давлатӣ, ҳаракатҳои оппозитсионӣ, ҳамчунин масъалаҳои вобаста ба соҳаҳои муҳимми ҳаёт ва ғайра сохта шудааст. Сомонаи интернетии агентии иттилоотӣ www.hamsinf.com майдони муҳокимаи масъалаҳои муҳим, тафсири рўйдоду воқеаҳои рўзмарра (актуалӣ) ва амалигардонии нақшаву ниятҳои дурнамо мебошад.

Муфассал

ТАҚВИМИ АХБОР
Мо дар Facebook
HAMSINF.com - Агентии иттилоотии мустақил.
Шумо метавонед, ки саволҳои худро тариқи почтаи электронии мо hamsinfnews@gmail.com ба мо ирсол намоед.
Яндекс.Метрика