Чин ба истифодаи “Роҳи нави абрешим” оғоз кард

04-01-2017 | Иқтисодиёт | 0 | 469

tajikistan

Аввалин қатораи роҳи оҳан аз Чин бо ҳадафи Ландан ба роҳ афтод, ки пас аз 18 рӯз ба онҷо хоҳад расид.

Масофаи ин роҳ 12 ҳазор километр аст ва чиниҳо онро “роҳи нави абрешим” унвон кардаанд. Ин қатора аз 15 шаҳри Қазоқистон, Русия, Белорус, Лаҳистон, Олмон, Белжик ва Фаронса убур карда, ба Ландан хоҳад омад.  

Боркашонӣ тавассути роҳи оҳан ҳарчанд аз лиҳози нарх аз киштӣ гаронтар аст, аммо аз ҳавопаймо арзонтар тамом мешавад. Ҳамчунин аз лиҳози вақт ҳарчанд қатора бамаротиб аз ҳавопаймо дертар мерасад, аз киштӣ чанд баробар тезтар ҳаракат мекунад.

Ин қатора, ки қарор аст колои чиниро ба Бритониё ва дигар кишварҳои урупоӣ интиқол диҳад, дар бозгашт аз онҷо ба Чин гӯшт, шароб, чӯб ва атриёт хоҳад овард.

Мақомоти Чин роҳандозии қатори роҳи оҳанро марҳалаи нави ҳамкории Чину Аврупо унвон карда, итминон додаанд, ки “Роҳи нави абрешим” дар рушди ҳамкориҳо саҳми бузурге хоҳад гузошт.

Чин пас аз ИМА бузургтарин шарики тиҷоратии Аврупо қаламдод мешавад. 

Паҳн намудани ахбор дар шабакаҳои иҷтимоӣ:


Комментарии

Номи шумо
Email

Комментариев пока нет


Дар бораи мо

Агентии иттилоотии мустақили «ҲАМСИНФ» бо мақсади амалӣ гардонидани ҳуқуқҳои конститутсионии шаҳрвандони Тоҷикистон ва тамоми ҷаҳон ба озодии сухан ва баёни андешаи худ вобаста ба фаъолияти ҳукумат, муассисаҳои давлатӣ, ҳаракатҳои оппозитсионӣ, ҳамчунин масъалаҳои вобаста ба соҳаҳои муҳимми ҳаёт ва ғайра сохта шудааст. Сомонаи интернетии агентии иттилоотӣ www.hamsinf.com майдони муҳокимаи масъалаҳои муҳим, тафсири рўйдоду воқеаҳои рўзмарра (актуалӣ) ва амалигардонии нақшаву ниятҳои дурнамо мебошад.

Муфассал

ТАҚВИМИ АХБОР
Мо дар Facebook
HAMSINF.com - Агентии иттилоотии мустақил.
Шумо метавонед, ки саволҳои худро тариқи почтаи электронии мо hamsinfnews@gmail.com ба мо ирсол намоед.
Яндекс.Метрика