Раиси порахӯри додгоҳи Суғд аз вазифааш озод шуд, аммо дар озодӣ қарор дорад

04-01-2017 | Қонун | 0 | 805

tajikistan

Анвар Иброҳимзода, раиси додгоҳи вилояти Суғд бо фармони раисҷумҳур Эмомалӣ Раҳмон аз вазифааш озод карда шудааст.

Дар фармони Раисҷумҳар таҳти рақами 795 омадааст:

“Мутобиқи моддаи 69 Конститутсияи Ҷумҳурии Тоҷикистон фармон медиҳам:

Иброҳимзода Анварҷон аз вазифаи раиси суди вилояти Суғд озод карда шавад.

Президенти Ҷумҳурии Тоҷикистон Эмомалӣ Раҳмон”

Ин фармон дирӯз бегоҳ содир шудааст.

Чуноне, ки субҳи дирӯз Паём.нет хабар дода буд, санаи 31- декабр, дар арафаи соли нав аз тарафи масъулини додситонии вилояти Суғд раиси додгоҳи вилояти Суғд Иброҳимзода Анвар (дар гузашта Юсупов Анвар Иброҳимович) ҳангоми баргардонидани 4000 доллари ба сифати пора қаблан аз як махкумшуда гирифтааш, дастгир карда шуд.

Тибқи иттилои манбаи Паём.нет дар додситонии вилояти Суғд, маҳкумшуда барои сабук намудани ҷинояти содиркардааш ва ҷазои таъин намудаи додгоҳ, ба раиси додгоҳи вилояти Суғд 4000 доллари ИМА медиҳад. Аммо раис ба ваъдааш  вафо намекунад. Маҳкумшуда чандин маротиба ба утоқи кории раис рафта, талаб мекунад, ки маблағашро баргадонад. Билохира Иброхимзода санаи 31- декабрро, ки рӯзи истироҳат буд, барои баргардонидани пораи қаблан гирифтааш интихоб мекунад. Аммо ин ҳолат ба додситонии вилояти Суғд  маълум шуда, баъди баргардонидани маблағ шаҳрвандро дар баромадгохи бинои Додгоҳи вилоят дастгир мекунанд ва далели шайъӣ — 4000 доллар гирифта мешавад.

Шаҳрванд пурра иқрор шуда, нишондод медиҳад. Камераҳои назоратти дар дохили бинои додгоҳ насбшуда исбот менамоянд, ки шаҳрванд махз ба утоқи кории раиси додгоҳ даромада, баъди чанд дақиқа мебарояд ва ӯро кормандони додситонӣ дастгир мекунанд.

Дар ҳоле, ки раиси додгоҳи вилоят Иброҳимзода бо вуҷуди дастгир шуданаш дар ҷои ҷиноят дар озодӣ қарор дорад, шахси пулашро бозпасгирифта барои додани пора ҳабс карда шудааст.

Паҳн намудани ахбор дар шабакаҳои иҷтимоӣ:


Комментарии

Номи шумо
Email

Комментариев пока нет


Дар бораи мо

Агентии иттилоотии мустақили «ҲАМСИНФ» бо мақсади амалӣ гардонидани ҳуқуқҳои конститутсионии шаҳрвандони Тоҷикистон ва тамоми ҷаҳон ба озодии сухан ва баёни андешаи худ вобаста ба фаъолияти ҳукумат, муассисаҳои давлатӣ, ҳаракатҳои оппозитсионӣ, ҳамчунин масъалаҳои вобаста ба соҳаҳои муҳимми ҳаёт ва ғайра сохта шудааст. Сомонаи интернетии агентии иттилоотӣ www.hamsinf.com майдони муҳокимаи масъалаҳои муҳим, тафсири рўйдоду воқеаҳои рўзмарра (актуалӣ) ва амалигардонии нақшаву ниятҳои дурнамо мебошад.

Муфассал

ТАҚВИМИ АХБОР
Мо дар Facebook
HAMSINF.com - Агентии иттилоотии мустақил.
Шумо метавонед, ки саволҳои худро тариқи почтаи электронии мо hamsinfnews@gmail.com ба мо ирсол намоед.
Яндекс.Метрика