Фурудгоҳи Душанбе: Қабулу парвози ҳавопаймоҳо оғоз шуд

30-12-2016 | Сиёсат | 0 | 374

tajikistan

Қабулу парвози ҳавопаймоҳо дар фурудгоҳи байналмилалии Душанбе, ки ба далели тумани ғафс мутаваққиф гардид, аз соати 12:00-и имрӯз, 30-юми декабр аз сар гирифта шуд. 

Дар ин бора ба “Озодагон” Ҷамила Ҳусейнова, сухангӯи фурудгоҳи байналмилалии Душанбе иттилоъ дода, афзуд, ки аллакай иҷозаи парвоз дода шуд: “Ҳавопаймоҳое, ки ба далели тумани ғафс дар пойтахт дар шаҳри Хуҷанд фуруд омада буданд, аллакай парвоз карданд ва дар роҳ ба пойтахт қарор доранд”. 

Тумани ғафс, ки шаби 29 ба 30-юми декабр Душанберо фаро гирифт, қабули ҳавопаймоҳоро дар фурудгоҳи байналмилалии пойтахти Тоҷикистон мутаваққиф карда буд. Дар натиҷа парвози ҳавопаймоҳои “Уралские авиалинии" аз Челябинск ва фурудгоҳи Жуковскийи Маскав, "UTair" аз фурудгоҳи Внуково, Тоҷик Эйр аз Маскав ва “Somon Air” аз Санкт Петербург ба таъхир афтоданд. Ҳавопаймои "UTair", ки шаби гузашта аз Маскав ба Душанбе парвоз дошт, ба далели туман дар Тоҷикистон дар фурудгоҳи Тошканд фуруд омад. Таъхири парвозҳо боиси саргардонии садҳо мусофир дар шаҳрҳои Русия гардидааст. 

Масъулини фурудгоҳ ва ширкатҳои ҳавоии Тоҷикикстону Русия мегӯянд, таъхири парвозҳо дар пайи номусоидии боду ҳаво рух дода, ба моҷарои ҳавоии ахир миёни Душанбе ва Маскав рабте надорад. 

Паҳн намудани ахбор дар шабакаҳои иҷтимоӣ:


Комментарии

Номи шумо
Email

Комментариев пока нет


Дар бораи мо

Агентии иттилоотии мустақили «ҲАМСИНФ» бо мақсади амалӣ гардонидани ҳуқуқҳои конститутсионии шаҳрвандони Тоҷикистон ва тамоми ҷаҳон ба озодии сухан ва баёни андешаи худ вобаста ба фаъолияти ҳукумат, муассисаҳои давлатӣ, ҳаракатҳои оппозитсионӣ, ҳамчунин масъалаҳои вобаста ба соҳаҳои муҳимми ҳаёт ва ғайра сохта шудааст. Сомонаи интернетии агентии иттилоотӣ www.hamsinf.com майдони муҳокимаи масъалаҳои муҳим, тафсири рўйдоду воқеаҳои рўзмарра (актуалӣ) ва амалигардонии нақшаву ниятҳои дурнамо мебошад.

Муфассал

ТАҚВИМИ АХБОР
Мо дар Facebook
HAMSINF.com - Агентии иттилоотии мустақил.
Шумо метавонед, ки саволҳои худро тариқи почтаи электронии мо hamsinfnews@gmail.com ба мо ирсол намоед.
Яндекс.Метрика