Рушди иқтисоди Тоҷикистон дар сатҳи 7,2% ба қайд гирифта шуд

20-07-2018 | Иқтисодиёт | 0 | 37

tajikistan

Тибқи маълумоти оморӣ, нимсолаи аввали соли ҷорӣ сатҳи рушди иқтисоди Тоҷикистон 7,2%-ро ташкил дод.

Бино ба маълумоти Агентии омори назди президенти Тоҷикистон, ҳаҷми Маҷмӯи маҳсулоти дохилӣ (ММД) давоми моҳҳои январ-июни соли ҷорӣ наздики 2,8 млрд. сомониро ташкил дод, ки нисбат ба нишондиҳандаи ҳамин давраи соли гузашта ба андозаи 7,2 фоиз бештар аст.

Дар сохтори ММД ҳиссаи нисбатан бештар ба саноат бо шумули энергетика (17,9%) ва савдо, таъмири автомобилҳо, молҳои маишӣ, лавозимоти истифодаи шахсӣ, меҳмонхонаҳо ва тарабхонаҳо (17,2%) рост меояд.

Ҳиссаи бахши кишоварзӣ, шикор ва хоҷагии ҷангал, моҳипарварӣ ва моҳидорӣ 12,6%, ҳиссаи нақлиёт, алоқа ва хоҷагии анбордорӣ - 12,8% ва андоз - 12,7%-ро ташкил додаааст.

Ҳукумати ҷумҳурӣ чун соли пешин аз рушди воқеъии Маҷмӯи маҳсулоти дохилӣ дар сатҳи 7,2% интизорӣ дорад. Лекин пешгӯиҳои ниҳодҳои молии байнулмилалӣ нисбатан камтаранд.

Ҳамин тариқ, нишондиҳандаи рушди ММД Тоҷикистонро дар соли 2018 Хазинаи байнулмилалии асъор дар сатҳи - 4%, Бонки осиёгии рушд - 6% ва Бонки ҷаҳонӣ - 6,1: пешгӯи мекунанд. Соли гузашта рушди воқеъии ММД Тоҷикистон 7,1%-ро ташкил дод.

Мувофиқи маълумоти Бонки ҷаҳонӣ, Тоҷикистон миёни нуҳ кишвари ҷаҳон ҷой гирифтааст, ки соли гузашта ба рушди баландтарини иқтисод ноил гардиданд. Ин рушдро таҳлилагрони Бонки ҷаҳонӣ дар навбати аввал ба «устуворона барқарор шудани интиқоли маблағҳо, ки ба барқаор шудани рушд дар Русия ва беҳбуди муҳити беруна вобаста  аст», нисбат медиҳанд.

Паҳн намудани ахбор дар шабакаҳои иҷтимоӣ:


Комментарии

Номи шумо
Email

Комментариев пока нет


Дар бораи мо

Агентии иттилоотии мустақили «ҲАМСИНФ» бо мақсади амалӣ гардонидани ҳуқуқҳои конститутсионии шаҳрвандони Тоҷикистон ва тамоми ҷаҳон ба озодии сухан ва баёни андешаи худ вобаста ба фаъолияти ҳукумат, муассисаҳои давлатӣ, ҳаракатҳои оппозитсионӣ, ҳамчунин масъалаҳои вобаста ба соҳаҳои муҳимми ҳаёт ва ғайра сохта шудааст. Сомонаи интернетии агентии иттилоотӣ www.hamsinf.com майдони муҳокимаи масъалаҳои муҳим, тафсири рўйдоду воқеаҳои рўзмарра (актуалӣ) ва амалигардонии нақшаву ниятҳои дурнамо мебошад.

Муфассал

ТАҚВИМИ АХБОР
Мо дар Facebook
HAMSINF.com - Агентии иттилоотии мустақил.
Шумо метавонед, ки саволҳои худро тариқи почтаи электронии мо hamsinfnews@gmail.com ба мо ирсол намоед.
Яндекс.Метрика