Кохи сафед "созиши шифоҳӣ"-и Трамп бо Путинро рад кард

20-07-2018 | Ҷаҳон | 0 | 74

tajikistan

Доналд Трамп ва Майк Помпео

Маъмурияти Кохи сафед мегӯяд, дар мулоқоти президенти ИМА Доналд Трамп ва президенти Русия Владимир Путин, 16 июл дар Ҳелсинки, ягон созиши шифоҳӣ, ки дар нишасти матбуотӣ номбар нашуд, ҷой надошт.

Дар бораи вуҷуди чунин созишҳо намояндагони Русия, аз ҷумла сафири ин кишвар дар ИМА Анатолий Антонов ва Вазорати дифои Русия хабар доданд. Ин изҳорот ва беҷуръатии Тармп дар нишасти матбуотӣ, ба гуфтаи шореҳон, суолҳоеро дар Конгресс ба миён овардааст, ки оё дар мулоқоти рӯ ба рӯи Трамп бо Путин созиши мухолифи манфиатҳои ИМА ҷой дошт ё не. Демократҳо дар Конгресс мехоҳанд тарҷумони Трамп, ки дар мулоқот ҳузур дошт, бозпурсӣ шавад, ё навори сӯҳбати Тармп бо Путин дар ихтиёри Конгресс қарор бигирад.

Майк Помпео, Котиби давлатии Амрико дар шарҳи изҳороти Антонов ба шабакаи телевизионии Fox News гуфт, ки суханрони Антоновро набояд ба эътибор гирифт ва афзӯд, ки "русҳо гоҳ-гоҳ мехоҳанд афсонабофӣ кунанд". Помпео гуфт, ки маъмурияти Трамп дар баробари Русия мавқеи қотеона дорад.

Пентагон низ гуфтааст, ки дар робита ба ҳамкории танготанг бо Русия дар масъалаи Сурия дастуре дарёфт накард.

Дар поёни нишасти Ҳелсинки ягон изҳороти муштарак қабул нашуд. Ба ғайри сӯҳбатҳо дар бораи зарурати муколама, танҳо як мавзӯи дақиқ матраҳ буд, ки дар чаҳорчуби низои Сурия амнияти Исроил бояд таъмин бошад.

Паҳн намудани ахбор дар шабакаҳои иҷтимоӣ:


Комментарии

Номи шумо
Email

Комментариев пока нет


Дар бораи мо

Агентии иттилоотии мустақили «ҲАМСИНФ» бо мақсади амалӣ гардонидани ҳуқуқҳои конститутсионии шаҳрвандони Тоҷикистон ва тамоми ҷаҳон ба озодии сухан ва баёни андешаи худ вобаста ба фаъолияти ҳукумат, муассисаҳои давлатӣ, ҳаракатҳои оппозитсионӣ, ҳамчунин масъалаҳои вобаста ба соҳаҳои муҳимми ҳаёт ва ғайра сохта шудааст. Сомонаи интернетии агентии иттилоотӣ www.hamsinf.com майдони муҳокимаи масъалаҳои муҳим, тафсири рўйдоду воқеаҳои рўзмарра (актуалӣ) ва амалигардонии нақшаву ниятҳои дурнамо мебошад.

Муфассал

ТАҚВИМИ АХБОР
Мо дар Facebook
HAMSINF.com - Агентии иттилоотии мустақил.
Шумо метавонед, ки саволҳои худро тариқи почтаи электронии мо hamsinfnews@gmail.com ба мо ирсол намоед.
Яндекс.Метрика