Акнун муҳлати зиндони Пак Кин Хе ба 32 сол баробар шуд

20-07-2018 | Ҷаҳон | 0 | 38

tajikistan

Додгоҳи Куриёи Ҷанубӣ дар мавриди парвандаи президенти пешини ин кишвар Пак Кин Хе ҳукми нав содир кард. Ӯро бо он айбдор карданд, ки дар интихоботи порлумонии соли 2016 дахолат кардааст ва ҳамзамон иҷозат додааст, ки маблағҳои давлатӣ рабуда шавад.

Додгоҳ ӯро аз рӯи ин парванда ҳашт соли дигар зиндонӣ кард.

Моҳи апрели соли ҷорӣ додгоҳ президенти пешини Куриёи Ҷанубиро 24 сол зиндонӣ ва наздики 17 миллион доллар ҷарима кард. Акнун муҳлати зиндони Пак ба 32 сол баробар шуд.

Аз рӯи парвандаи аввал ӯро дар фасодкорӣ, сӯистода аз мақом ва дахолати ғайриқонунӣ ба фаъолияти ширкати тиҷорӣ айбдор карданд.

Президенти пешин айбҳои эълоншударо рад мекунад. Вай дар муҳокимаҳои додгоҳӣ ширкат накард.

Моҳи марти соли 2017 Додгоҳи олии Куриёи Ҷанубӣ бо қарори худ Пакро аз мақом барканор кард. Порлумони ин кишвар равандаи импичмент ё нобоварӣ ба президентро моҳи декабри соли 2016 шуруъ карда буд.

Импичмент баъди он рӯи даст гирифта шуд, ки дӯсти овони ҷавонии президенти вақти Куриёи Ҷанубӣ Чхве Сун Силро дар сӯистифода аз мақоми президент айбдор карданд. Сун Сил моҳи феврали соли 2018 ба 20 соли зиндон маҳкум шуд.

Паҳн намудани ахбор дар шабакаҳои иҷтимоӣ:


Комментарии

Номи шумо
Email

Комментариев пока нет


Дар бораи мо

Агентии иттилоотии мустақили «ҲАМСИНФ» бо мақсади амалӣ гардонидани ҳуқуқҳои конститутсионии шаҳрвандони Тоҷикистон ва тамоми ҷаҳон ба озодии сухан ва баёни андешаи худ вобаста ба фаъолияти ҳукумат, муассисаҳои давлатӣ, ҳаракатҳои оппозитсионӣ, ҳамчунин масъалаҳои вобаста ба соҳаҳои муҳимми ҳаёт ва ғайра сохта шудааст. Сомонаи интернетии агентии иттилоотӣ www.hamsinf.com майдони муҳокимаи масъалаҳои муҳим, тафсири рўйдоду воқеаҳои рўзмарра (актуалӣ) ва амалигардонии нақшаву ниятҳои дурнамо мебошад.

Муфассал

ТАҚВИМИ АХБОР
Мо дар Facebook
HAMSINF.com - Агентии иттилоотии мустақил.
Шумо метавонед, ки саволҳои худро тариқи почтаи электронии мо hamsinfnews@gmail.com ба мо ирсол намоед.
Яндекс.Метрика