Узбакистону Кореяи Ҷанубӣ дар ҳаҷми $9 млрд шартнома бастанд

23-11-2017 | Минтақа | 0 | 237

tajikistan

Даррӯзи аввали сафари президенти Узбакистон Шавкат Мирзиёев ба Кореяи Ҷанубӣмиёни ин ду кишвар дар ҳаҷми 8,9 миллиард доллар созишномаву шартнома баста шуд.

Рӯзи 22 ноябр дар маҷмуъ миёни ин ду кишвар 75 ҳуҷҷат имзо шуд. Ба вижа, дар бахшҳои энержӣ ва кимиёву нафт дар ҳаҷми 2,95 миллиард, дар бахши бонку молия дар ҳаҷми 2,7 миллиард, дар бахши сохтмон ва рушди зерсохторӣ дар ҳаҷми 1,7 миллиард доллар шартнома баст шуд.

Ба ҷуз ин вазорати тиҷорати хориҷии Узбакистон, ширкати "ГМК Алмалик" ва Донишкадаи филизҳои камёфти Корея (KIRAM) дар бораи ҳамкорӣ дар бахши фаъолиятҳои илмиву техникӣ ва инноватсионӣ "харитаи роҳ" имзо карданд. Ҳамчунин дигар ниҳодҳои давлатии Корея барои ҳамкорӣ бо Узбакистон дар солҳои 2018-2019 созиш карданд.

Кореяи Ҷанубӣ яке аз бузургтарин сармоягузорони Узбакистон ба ҳисоб меравад. Дар ҳоли ҳозир дар Узбакистон 461 корхона бо сармояи Корея фаъолият мекунад. Ҳаҷми гардиши мол миёни ду кишвар дар моҳҳои янван-октябри соли 2017 1,3 маротиба афзуда, ба 1,1 миллиард доллар расид.

Сафари Шавкат Мирзиёев ба Кореяи Ҷанубӣ 25 ноябр ба охир мерасад.

Паҳн намудани ахбор дар шабакаҳои иҷтимоӣ:


Комментарии

Номи шумо
Email

Комментариев пока нет


Дар бораи мо

Агентии иттилоотии мустақили «ҲАМСИНФ» бо мақсади амалӣ гардонидани ҳуқуқҳои конститутсионии шаҳрвандони Тоҷикистон ва тамоми ҷаҳон ба озодии сухан ва баёни андешаи худ вобаста ба фаъолияти ҳукумат, муассисаҳои давлатӣ, ҳаракатҳои оппозитсионӣ, ҳамчунин масъалаҳои вобаста ба соҳаҳои муҳимми ҳаёт ва ғайра сохта шудааст. Сомонаи интернетии агентии иттилоотӣ www.hamsinf.com майдони муҳокимаи масъалаҳои муҳим, тафсири рўйдоду воқеаҳои рўзмарра (актуалӣ) ва амалигардонии нақшаву ниятҳои дурнамо мебошад.

Муфассал

ТАҚВИМИ АХБОР
Мо дар Facebook
HAMSINF.com - Агентии иттилоотии мустақил.
Шумо метавонед, ки саволҳои худро тариқи почтаи электронии мо hamsinfnews@gmail.com ба мо ирсол намоед.
Яндекс.Метрика